Manolita

Vincent Van Gogh

 NÓS NUN EMIGRAMOS por cuenta d'unos zapatos. Mio padre encargó-y a un pariente d'Arxentina que-y mandara unos zapatos aparentes de los d'ellí pa llegar curiosu a Buenos Aires que nun quería parecer un paletu colos chanclos de mecer. Pero aquellos zapatos ente uno y otro nun acababen de llegar y cuando por fin llegaren, taben esfechos del too como si fueran de cartón. Sería coles humidances del viaxe o qué sió qué pero'l casu ye qu'a mio padre aquello decepcionólu tanto que desengañóse de marchar y al final nun emigramos. Yo digo que quedamos equí de probes por cuenta d'unos zapatos.

                                                                                                  Berta Piñán